Kaya basa liyane sak dunya, basa Using ya nyesep ucap-ucap
teka basa liya. Utamane basane uwong-uwong hang uwis manggon nong telatah
Blambangan sakat bengen. Kayata uwong Arab, Bali, Jawa, Mandar, Medura,
Tionghoa, Melayu lan liya-liyane. Sing maido kadhung ana ucap-ucap teka basa
liyan.
Naming, kadhung bisa, kapan uwis ana ucap basa Usinge, ya
nggaweya ucap hang kerasa usinge. Kelawan gedigi, Rika uwis milu nguri-uri basa
Using makene hing tambah kingslep dieleg jaman. Basa Using ngadhepi ujian hang
gedhi merga terus diseren ambi basa nasional Indonesia lan basa Jawa. Uwis mula
nasibe basa hang kurang teka sejuta penuture gedigu iku.
Kadhung basa Using ilang kelendi? Ya sejarahe uwong Using,
sak tradhisine, sak kepercayaane, emeh sak kabehe milu ilang pisan. Mangkane:
Uwis ana ucap iki aja
nganggo iki
Ambi ambek
Amet amek
Anteni enteni
Apen mbujuk
Apuwa apaa
Deleng delok
Deleh dekek
Dhewek dewe
Dikapak diapake
Dhilut dhiluk
Dongkar dokar
Ebek kebak
Edu adu
Ejak ajak
Empet empek
Enget iling/ingat
Gesuh gusah
Golet golek
Jumput jumuk
Katon ketok
Kegal-kegol megal-megol
Kemanten/penganten temanten
Keneng kenek,
kena
Kepus teles
Kesuk sesuk
Koncet/kencet koncek
Lare arek
Lobok lombok
Mandanea mendahnea
Maning maneh
Merinia merenea
Milu melok
Mongkog bangga
Nganteni ngenteni
Ngempet ngempek
Parek cedak/cidek
Saktemene sakjane
Semendhe sendhen
Sepidhah sepeda
Silur/Oper ijol
Suwi suwe
Temenan tenan/temen
Ulan bulan
Ulih oleh
Wektu waktu
Weni weneh
Ciut sempit
Wera amba
Nyiru tampah/tempeh
Menyang lunga
Canthuk uleg-uleg
Hing polae paran, kadhung istilah Using kerep dienggo,
suwi-suwi basane kerasa tambah ‘rumang.’
Kadhung ana ucap liyane hang emeh padha tambahana ya.
Tidak ada komentar:
Posting Komentar